बैशाख २५ गते । उपकार बचत तथा ऋण सहकारी संस्था लि.को युवा तथा स्वास्थ्य उप-समितिको संयोजन तथा डा. इवामुरा मेमोरियल अस्पताल तथा अनुसन्धान केन्द्र, सल्लाघारी, भक्तपुरको प्राविधिक सहयोगमा नगदेश स्वास्थ्य चौकीमा स्वास्थ्य शिविरको आयोजना गरियो । शिविरमा गर्वबती, आङ खस्ने, तल्लो पेट दुख्ने र अन्य प्रसुति तथा स्त्री रोग सम्बन्धी समस्या एवं दाँतको समस्याको निःशुल्क परिक्षण गर्नुका साथै निःशुल्क औषधी समेत वितरण गरेको थियो । कार्यक्रममा करिव १०० जना विरामीहरुले सेवा उपयोग गर्नु भएको थियो ।
कार्यक्रमको उद्घाटन गर्नु हुदै संस्थाका अध्यक्ष श्री कृष्ण बहादुर घःजुले उपकार बचत तथा ऋण सहकारी संस्था लि २०५२ सालमा स्थापना भएको र स्थापना काल देखि नै वित्तीय कारोबार मात्र नगरी विभिन्न सामाजिक कार्यहरु समेत नियमित रुपमा सञ्चालन गर्दै आएको बताउनु भयो । संस्थाले आर्थिक कारोबारको साथै सदस्यहरुको चाहना अनुसारका विभिन्न शीपमुलक, आयमुलय तालिमहरु एवं चेतनामुलक कार्यक्रमहरु समेत सञ्चालन गर्दै आएको जानकारी दिनु भयो । साथै आजको यो स्वास्थ्य शिविरबाट संस्थाका सदस्यहरु तथा समुदायका अन्य महानुभावहरुलाई समेत लाभ पुग्ने विचार व्यक्त गर्नु भयो ।
शिविरमा जाँच गराउन आउनु हुने विरामीहरुको थप उपचार गर्नु पर्ने भएमा डा. इवामुरा अस्पतालले विशेष सहुलियतका साथ थप उपचार सेवा उपलब्ध गराउने कुरा अस्पतालमा बजार व्यवस्थापक श्री जीवन मारिखु श्रेष्ठले जानकारी दिनुभयो ।